له‌ درێژه‌ی یارییه‌كانی قۆناغی 16ـی پاڵه‌وانیه‌تی جامی جیهانی هه‌ڵبژارده‌ی به‌ڕازیلی توانی به‌ ئه‌نجامی سێ گۆڵی بێ به‌رامبه‌ر سه‌ربكه‌وێت به‌سه‌ر هه‌ڵبژارده‌ی چیلی. یارییه‌كه‌ له‌سه‌ر یاریگای ئیلیێس پارك له‌ شاری جۆهانسبۆرگ و به‌ ئاماده‌بوونی زیاتر له‌ 54 هه‌زار هانده‌ر و به‌ ناوبژیوانیه‌تی ئینگلیزی هاوارد وێب به‌ڕێوه‌چوو و توانی خۆی بگه‌ینێته‌ قۆتاغی هه‌شته‌م. سه‌ره‌تا هه‌ڵبژارده‌ی چیلی توانی تا ڕاده‌یه‌ك كۆنتڕۆلی یاریگا بكات به‌ر له‌وه‌ی یاریزانی یانه‌ی ڕۆما جوان دۆس سانتۆس گۆڵی یه‌كه‌می له‌ ڕێگه‌ی لێدانی سه‌ر له‌ خووله‌كی 35 تۆمار كرد و دواتر زۆری پێنه‌چوو تا وه‌ك یاریزان لویس فابیانۆ گۆڵی دووه‌م تۆمار كرد و هه‌ڵبژارده‌ی چیلی تووشی شۆك كرد به‌م ئه‌نجامه‌ش كۆتایی به‌ گێمی یه‌كه‌م هات. له‌ گێمی دووه‌می یارییه‌كه‌ هه‌ڵبژارده‌ی سامپا به‌رده‌وام بوو له‌ یاری كردن به‌ هێمنی و له‌ خووله‌كی 59ـدا ئه‌ستێره‌ ڕۆبینیۆ توانی گۆڵی سێیه‌م و كۆتایی تۆمار بكات و سه‌ركه‌وتنه‌كه‌ی سامپا دووپات بكاته‌وه‌. به‌م بردنه‌وه‌یه‌ش هه‌ڵبژارده‌ی به‌ڕازیلی له‌ ڕۆژی هه‌ینی داهاتوو ڕووبه‌ڕووی هه‌ڵبژارده‌ی هۆڵه‌ندی ده‌بێته‌وه‌ له‌سه‌ر یاریگای نێلسۆن ماندێلا بێی.

له‌ درێژه‌ی یارییه‌كانی قۆناغی 16ـی كۆتاییه‌كانی جامی جیهانی هه‌ڵبژارده‌ی ئه‌ڕجه‌نتینی توانی سه‌ربكه‌وێت به‌سه‌ر هه‌ڵبژارده‌ی مه‌كسیكی به‌ ئه‌نجامی 3-1 و توانی به‌و بردنه‌وه‌یه‌ خۆی بگه‌ینێته‌ قۆناغی هه‌شته‌م.له‌سه‌ر یاریگای سۆكێر سیتی له‌ شاری جۆهانسبۆرگ و به‌ ناوبژیوانیه‌تی ئیتاڵی ڕۆبێرتۆ ڕۆسێتی هه‌ڵبژارده‌ی تانگۆ توانی ئاستێكی به‌رز پێشكه‌ش بكات و به‌ شایسته‌یی خۆی گه‌یانده‌ قۆناغی داهاتوو وه‌ له‌و قۆناغه‌ ڕووبه‌ڕووی هه‌ڵبژارده‌ی ئه‌ڵمانی ده‌بێته‌وه‌.

راپرێس/یاریگا نێت: ئەرژەنتین بە چوار گۆڵ ترسی خستە نێو هەڵبژاردەكان و سەركەوتنێكی گەورەی بەسەر كۆریای باشوور تۆمار كرد، لە یاریگای سۆكێر سیتی له‌ شاری جۆهانسبۆرگ و به‌ ئاماده‌ بوونی زیاتر له‌ 80 هه‌زار هانده‌ر،له‌ یاری كرانه‌وه‌ی جه‌وله‌ی دووه‌می كۆمه‌ڵه‌ی دووه‌م هه‌ڵبژارده‌ی ئه‌ڕژه‌نتین توانی سه‌ركه‌وتنێكی گه‌وره‌ به‌ده‌ست بهێنێت به‌سه‌ر هه‌ڵبژارده‌ی هه‌ڵبژارده‌ی كۆریای باشوور به‌ ئه‌نجامی 4-1، یاریزان پارك جو هۆنگ له‌ هه‌ڵه‌ گۆڵی یه‌كه‌می له‌ كۆریا تۆمار كرد یاریزانی یانه‌ی ڕیال مه‌درید گۆنزالۆ هیگواین له‌ خوله‌كی 33ـدا گۆڵی دووه‌م تۆمار ی تۆمار كرد و پێش ته‌واو بوونی گێمی یه‌كه‌م یاریزان لی چۆنگ یۆنگ تاكه‌ گۆڵی هه‌ڵبژارده‌ی كۆریای باشوور تۆمار كرد، لە گێمی دووەمدا به‌ ئاست به‌رزی لیۆنێل میسی هه‌ڵبژارده‌ی ئه‌رجه‌نتینی توانی دوو گۆڵ تۆمار بكات له‌ ڕێگه‌ی هیگواین له‌ خوله‌كه‌كانی 76 و 80ـدا و به‌مه‌ش هیگواین توانی یه‌كه‌م هاتریك له‌ پاڵه‌وانیه‌تی جامی جیهانی 2010 تۆمار بكات، به‌م ئه‌نجامه‌ش هه‌ڵبژارده‌ی ئه‌ڕجه‌نتینی له‌ پێشه‌نگی كۆمه‌ڵه‌ی دووه‌م دێت..

له‌ یاری دووه‌می جه‌وله‌ی یه‌كه‌می كۆمه‌ڵه‌ی حه‌وته‌م هه‌ڵبژارده‌ی به‌ڕازیلی توانی سه‌ركه‌وتنێكی گرنگ و به‌زه‌حمه‌ت به‌ده‌ست بهێنێت به‌سه‌ر هه‌ڵبژارده‌ی كۆریای باكوور به‌ ئه‌نجامی 2-1و له‌ گێمی یه‌كه‌م نه‌یتوانی هیچ شتێك بكات ،له‌ گێمی دووه‌می یارییه‌كه‌ سیلیساو توانی شێوازی یاری كردنی بگۆڕێت و زیاتر هێڕشبه‌ری یاری بكات و له‌ خووله‌كی 55ـدا یاریزانی هێڵی به‌رگری دۆگلاس مایكۆن توانی گۆڵی یه‌كه‌می به‌ڕازیل تۆمار بكات وله‌ خوله‌كی 72ـدا یاریزانی یانه‌ی گالاته‌سه‌ڕای ئیلانۆ گۆڵی دووه‌می تۆمار كرد و دواتر هه‌ڵبژارده‌ی به‌ڕازیل كه‌مێك یارییه‌كه‌ی هێور كرده‌وه‌ به‌ڵام به‌ پێچه‌وانه‌ی ڕێچكه‌ی یارییه‌كه‌ یاریزان یون نام توانی له‌ خووله‌كی 89ـدا تاكه‌ گۆڵی هه‌ڵبژارده‌ی كۆریای باكوور تۆمار بكات و خۆشیه‌كی زۆر بخاته‌ نێو یاریزانانی هه‌ڵبژارده‌كه‌ی،به‌مه‌ش هه‌ڵبژارده‌ی به‌ڕازیلی پیشه‌نگی كۆمه‌ڵه‌ی حه‌وته‌می گرته‌ دەست به‌ كۆكردنه‌ی 3 خاڵ.

لە درێژەی یارییەكانی جامی جیهانی 2010 هه‌ڵبژارده‌ی هۆڵه‌ندی توانی یه‌كه‌م سێ خاڵ به‌ده‌ست بهێنێت دوای سه‌ركه‌وتنی به‌سه‌ر هه‌ڵبژارده‌ی دانیماركی به‌ ئه‌نجامی 2-0، له یاریگای سۆكێر سیتی له‌ شاری جۆهانسبۆرگ و هه‌ڵبژارده‌ی پرته‌قالیه‌كان لە گێمی دووه‌می یارییه‌كه‌  توانی بچێته‌ نێو كه‌شی یارییه‌كه‌ و ئاستێكی به‌رز پێشكه‌ش بكات و ئه‌مه‌ بوو له‌ خوله‌كی یه‌كه‌می گێمی دووه‌م یاریزانی هێڵی به‌رگری سیمۆن پۆلسن به‌ هه‌ڵه‌ گۆڵی یه‌كه‌می له‌ دانیمارك تۆمار كرد و له‌ دوای ئه‌م گۆڵه‌ هه‌ڵبژارده‌ی هۆڵه‌ندا به‌ شێوه‌یه‌كی زۆر باش كۆنترۆلی یاریگای كرد و زۆر نزیك بوو له‌ تۆمار كردنی گۆڵی تر،له‌ خوله‌كی 85ـدا یاریزانی یانه‌ی لیڤه‌رپوول دێرك كاوت گۆڵی دووه‌می تۆمار كرد، به‌و ئه‌نجامه‌ش هه‌ڵبژارده‌ی هۆڵه‌ندی پێشه‌نگی كۆمه‌ڵه‌كه‌ی گرته‌ ده‌ست به‌ كۆكردنه‌وه‌ی سێ خاڵ.